बअ़नर, अद्दी परिया नु बारहो भार्इ असुरर अरा तेरहो भार्इ लोधरर, उल्ला-मा:ख़ा पन्ना कमआ गे कूट्ठिन धुकआ लगियर। आर गही कूट्ठि धुकना ती मोजख़ा (धुआँ) मेरख़ा नु अरगा लगिया। अदिन धरमेस गही घोड़ो हंखराज-पंखराज सहआ पोल्ला दरा ओनना-मो:ख़नन अम्बिया चिच्चा। हंखराज-पंखराज घोड़ो गही दसन ए:रर धरमेस गे दव मल लग्गिया केंधेल, ख़ने आस ढिचवन मना नना गे तर्इय्यस। ढिचवा धरमेस गही आर्इनकन आ:ना गे केरा दरा असुरर अरा लोधरा भर्इयोरिन बरजा:चा मुन्दा आर धरमेस गही कत्थन मल बदचर। र्इ ढिचुआ एमन बरजआ बरचकी रअ़र्इ बअर, अदि गहि ख़ोलन सँड़सी ती धरचर। आ बीरिम ढिचुवा गहि ख़ोला खम्भा लेखा मंज्जा दरा इन्ना गूटी अन्नेम रअ़र्इ। आ ख़ो:ख़ा, धरमेस बर्इकलन तर्इय्यस। ख़ने अदी गही ख़ेसरन सँड़सी ती धरचर की नतिगयर। ख़ने बर्इकला गहि खे़सेर दिगहा मंज्जा केरा। अदी ख़ो:ख़ा, धरमेस केरकेटन तर्इयस। करकेटा केरा दरा बरजआ हेल्लरा। मुन्दा केरकेटा गहि कत्थन ने हूँ मला मेंज्जर दरा अदि गहि नरटिन सँड़सी ती पेदख़र चिच्चर। अउला तिम केरकेटा गहि नरटी गुसन मोख़ारो मंज्जा दरा इन्ना गूटी मोख़ारोम रअ़र्इ। अन्तिले धरमेस मना नन्तआ-नन्तआ हारचस ख़ने खसरा-खुसरू कुक्कोस लेखआ मंज्जस की तानिम बरचस दरा आर गहि कुट्ठी धुकना गुसन केरस। ख़नेगा एन्देर ए:रदस का बारहो भार्इ असुरर अरा तेरहो भार्इ लोधरर गही मुक्कर आ बी:री कुट्ठिन धुकआगे लइक्का र’अ़नर।
ख़ने खसरा-खुसरू कुक्कोस आरिन आनियस - नीम एकासे कुट्ठिन धुकदर जे पन्ना चाँ:डे़ मला बि’र्इ ? एंग्गन कुट्ठी उला कोरआ चिअ़आ, बाचस की कोरचस। कोरनन्ती मुन्ध आनियस का चिच्च दहदह हन्दकारओ होले पुना अड़ी नु खे़:ना अम्म ओन्दोरके दरा टटख़़ा डहुड़ा ती एछके। ख़ने चिच्चन अरा कुर्इलन कुट्ठी नु सज्जर की मुरूख़ धुकआ हेल्लरर। आ चिच्च दहदह हन्दकारआ हेल्लरा ख़ने पुना अड़ी नु ख़ेना अम्मन ओन्दरर को एछआ हेल्लरर की धुकआ लगियर। अन्ने अन्नेम हुरमी कुइला उल्लिया की चिन्द मंज्जका ती कुट्ठिन चलख़र, ख़ने धरमेस खसरा-खुसरू मंज्जस की कुठठी नु कोरचका रहचस आस सोना-रूपा तुरू झबरारस की उरखस दरा आ:रिन आ:ना हेल्लरस - ‘‘एरा, नीम एकासे पोलदर धुकआ। एरा, एन अक्कुन दव कुना सोना ती सिंगरारकन अरा हीरा की झबरारकन दरा उरूखकन। अक्कु नीम हूँ ख़क्खा बेद्दर होले लगे कुट्ठी नु होरमर कोरआ, निमहय मुक्कर धुकओर’’। आस ही बाचका लेखेम अबड़ा बारहो भार्इ असुरर दरा तेरहो भार्इ लोधरर, होरमर कुट्ठी नु कोरचर ख़ने आर गहि मुक्कर कुट्ठी नु कुर्इलन अरा चिच्चन सज्जर की धुकआ हेल्लरर। आर उला कँयर-कुँर्इर मननर, खने धरमेस मुक्कारिन आ:नियस - ‘‘खूब धुकआ, अक्कुन, आर अरबा नखरआ लगनर, बग्गे-बग्गे होआगे।’’ ख़ने आ मुक्कर खोब धुकनर। एंवदा आर उफड़ारनर अवंदा आर चपुआ धुकनर। ख़ोखा नु हुरमी कुर्इला उल्लिया की चिन्द मंज्जा खने कुट्ठिन चलख़नर दरा ए:रनर का होरमर उल्लियर की चिन्द मंज्जर केरर।
ख़नें आर गहि मुक्कर धर्मेसिन धरचर की मलम का:ला चिअ़नर दरा आननर - ‘‘नीन एमहय मेतारिन ठकचकय दरा एमन आरिन कुट्ठी नु धुकताचकय। एमन, निंग्गा पो:सना मनो। निंग्गन एम मलम अम्मबोम।’’ अन्तिले धरमेस अबड़ा मुक्कारिन आनियस - ‘‘अक्कु नीम टोड़ंग नु कालर की कइसलगो, बगरपटा, छिनर्इर, चोराँठ, कनवा, चिरचिठी, बगनहिं गुटठी मनके दरा परता अरगो बा:री आलारिन बा:गके-ख़ाँ:सके अरा गोदराअ़के। अबड़र गही उरूख़का ख़ेंस गुट्ठी निमागे ओना-मो:ख़ा गे मनो’’ बाचस की पे:सस। ख़ने अबड़र अन्नेम खोप्पा मंज्जर।
अंवगेम अक्कु गूटी हूँ टोड़ंग केरका आ:लर गने कइसलगो खोप्पा अड़झार’र्इ। अबड़द, आर गहि खे़ड्डन ख़ाँ:सी की खे़:सो उथुरति’र्इ। धरमे सवंग हुरमी गे बा:चकी रअ़र्इ अरा उरमी गे उज्जना डहरे तिंग्गकी रअ़र्इ, अंवगेम करम उल्ला कइसलगो ख़ोप्पन दरा ते:ला ख़ोप्पन संग्गेम गड़नर अरा धरमे सवंग ही ना:मे ती चिओ बा:री अबड़ा गे हूँ ख़खर’र्इ का:ली। बेंज्जा गे कँड़सा ओन्दोरआ का:नर होले कइसलगो खोप्पन, तोम्मबा गने ओन्दोरनर दरा चा:ली नु मड़वा गने गड़नर। मड़वा चड्डका ख़ो:ख़ा अबड़न कबसी ख़ल्ल नु का रोवा ख़ल्ल नु हों गड़नर चिअ़नर। एन्ने ने:ग-चा:लो गा, आ परिया तिम ननतेम बरतारआ लगी।
मेनता-मेंजख़ा :-
(1) धरमे ही घोड़ो एन्देर गे ओनना-मो:ख़नन अम्मिबया ?
bArho BAi asurar arA qerho BAi loWrar, onw ullA nu kutTin WukLA lagiyar xane moVxA (WuEvA) merxA nu aragiyA. awin Warmes sahLA pollas warA Dicvan manA nana qaiyyas. xane A:r awi gahi Ainkan malA paiqAcA. i sAr DicuvA manA nanA barcA. A:r Dicvan Aniyar warA awi gahi xolan saEzsi qi Warcar. A birim DicuvA gahi xolA KamBA leKLA maVjA warA innA guti annem raHi. A xo:xA, Warmes baiklan qaiyyas. xane awi gahi xesran saEzsi qi Warcar ki naqigyar. xane baiklA gahi xeser wighA maVjA kerA. awi xo:xA Warmes kerketan qaiyyas. kerketA kerA warA manA barjLA hellrA. munwA kerketA gahi kaqQan ne huE malA meVjar arA awi gahi nartin saEzsi qi pewKar ciccar. A ullA qim kerketA gahi narti gusan mo:xAro maVjA warA innA guti moxArom raHi. anqi Warmes Warmes manA nana hArcas warA KasrA-Kusru kukkos lekKA maVjas ki qAnim barcas warA A:r gahi kutTi WuknA gusan keras. xanegA enwer e:rwas. bArho BAi asurar arA qerho BAi loWrar gahi mukkar A biri kutTin WukLAge laikkA raHnar.
xane KasrA-Kusru kukkos Arin Aniyas - nim ekAse kutTin Wukwar warA pannA cAE:ze malA biHi ? eXgan kutTi ulA korLA ciHA, bA:cas ki korcas. kornanqi munW Anikas rahcas cicc Kob hawkArLo hole punA azi nu xe:nA amm onworke warA eCke bAckas rahcas. xane cicc nu warA kuilan kutTi nu sajjar ki Kob WukLA hellrar. A cicc Kob hanwkArLA hellrA xane punA azi nu xenA amman onwrar warA eCLA hellrar ki WukLA lagiyar. anne annem hurmi kuilA o:lA-o:lA cinw maVjA xane kutTin calKar xane Warme KasrA Kusru kaVjas ki kutTi nu korcLkA rahcas A:s sonA-rupA quru Koj JabrAras ki urKas. Arin A:nA hellras e:rA gA ni:m ekAse polwar WukLA. e:rA e:n akkun bes-bes siXAr hirA gutTin biwwkan ki JabrArkan warA uruKkan. akkun ni:m huE xakKA bewwar hole lage kutTi nu hormar korLA. nimhay mukkar WukLor bA:cas. xane abzA bArho BAi loWrar warA qerho BAi asurar huE hormArim kutTi nu korcar xane A:r gahi mukkar kutTi nu kuilan warA ciccan ninwLar ki wukLA hellrar. warA ulA kair-kuir manA lagiyar. xane Warmes mukkArin A:niyas - Kob WukLA akkun A:r arbA naKarLA lagnar bagge-bagge hoHAge. xane A mukkar Kob Wuknar. evnwA A:r uPzArnar avnwA awiki capuvA Wuknar. xo:xA nu hurmi kuilA ulliyA ki cinw maVjA xane kutTin calaxnar warA e:rnar gA hormar ulliyar ki cinw maVjar.
xane A:r gahi mukkar Warmesin Waracki malam kA:lA ciHnar warA A:nnar - ni:m emhay meqArin Takackay warA eman Arim kutTi nu WukqAckay. eman niXAge po:snA mano. niXgan e:m malam ambom. anqile Warmes barcas warA abzA mukkArin Aniyas - akku ni:m tozaX nu kA:larki kaisalgo xoppA manA, hole nimAge onAge xaKarLo bA:cas ki pe:sas, xane abzA mukkA rim tozaX nu kerar warA kaisalgo xoppA maVjar.
avXem akku guti A:lar tozaX kA:nar hole kaisalgo xoppA nu azJArnar. Abaw A:r gahi xeddan xAEsi ki xe:son uQurqiHi. Warmes annu huE bar ciccas re, awas avXem karam ullA kaisalgo xoppan warA qelA xoppan saXem gaznar warA gazLo bi:ri arKin Bel muno Jaran awi maiyyA qunwnar. abzan kabsi xall nu kA roLA xall nu huE gaznar ciHnar.
menqA (savAl) :- (¡) Warme hi Gozo enwer ge onanA-moxnan am|biyA ? (¢) asurar arA loWrA BAiyo bagar ener nanA lagiyar ? (£) KasrA-Kusru kukkos ru:pe ne barcA ? (¤) KasrA-Kusru kukkos kuTi WukLu rin enwer bA:cas ? (¥) i purLA xi:ri ti:p qi enwer kaqan qiXgkA rai ? (¦) i tip hi xo:jus ne qali ?