कुँड़ख़र ही कुड़ा-मोःख़ा सिखिरना अरा सिखाबअ़ना

kuEzxar hi kuzA mo:xA siKirnA arA siKAbahnA : baHnar – hullo pariyA nu namhay purxar tozaX-parqA arA nAl-JariyA abzA gane raHnum naman baCAbA:car. A bezA nu kanwA-xaVjpA gutTin begar bi:qkam mo:xA lagiyar. ahzan huE xe:nam mo:xA lagiyar. ku:l ge ki:zA laggo wim arA jiyA ge amm onkA laggo wim. avXe ku:l-ki:zA arA amm onkan metAbaHA ge tozaX parqA qA xaVjpan mo:xar warA JariyA qA amman onar bezan Kepcar.
    baHnar – A bezA num namhay purxar tozaX-parqA qA xaikA bAEs gahi GaszArnA qi – ciE...ciE...ciE...ciE... bese xaraKnan menA lagiyar. anne gA kA:nA-barnA dahre-bAt nu A leKe xaraKnA gA hullo qim menwerLA lagiyA. paEhe unwul BarKar biznA bezA nu A bezA nu A bAEs JuNdu lavkArLA warA bilcA hellrA arA baCarkA hariyar bAEs JuNdu huE A hanwkArnA nu murJArLar xaqarLA hellrA. A:lar elcA-elcA qarkuti boXgA hellrar. A bezA guti A:r anne A:lon, kA anne alhan mal i:rkA rahcar. A alhan hurmi ujjnA lav-lazaX arA mann-mA:san xaqqLA lagiyA warA o:llnum urmi xeHA lagiyA.
    baHnar – namhay purxar A punA aklak majjkan i:ryar arA i:lciyar kerar. A bA:ri hayA-wanwA mannum A A:lon - ciE...ciE...ciE...ciE... menwernA addA qi uruxkA hi nA:me qi cicc piVjyar arA awi gane ullkA qi baCarkan cinw bA:car. A tozaX qA laGarkA cicc qi urmi ulliyA kerA. onA-mo:xA ge xaVjpA gutTin natTarA kerA. A:lar ku:l-ki:zA quru ilho-bilho manA hellrA. tozaX kiXko gutTi huE mal xaKarLA hellrA. anne nu warbazyA ullkA tozaX kiXko gahi ahzan mo:xar qamhay jiyA-kayan baCAbA:car. munwA A ullA ahzA, A:r ge akay sonwhA arA koze laggiyA. ullkA ahzA, xe:nA ahzA qi mo:xA ge arA ku:l ge pacAbaHnA nu huE sebbA laggA hellrA. anne nu A ciccan paszi nanA-nanA baCAbA:car arA ajgo-ijgo qi ahzA bewwA-onworLA ki awin cicc nu kuzA hellrar. i leKe A:r qamhay maJi xe:nA ahzA mo:xnan rahe-rahe ammbA hellrar. A:r ge ahzan kuznA-mo:xnA wa:v laggA hellrA. munw nu A:r qamhaEy KoEzhA qA A:lArin ahzan kuzA-mo:xA ge axqA:car. abzA punA Dacar arA cA:lo tozaX qA xaikA aqxA bese xarxarnum gecCA rA:ji guti kA:lA hellrA. namhaEy purxar hi i:rkA-naVjkA Waqman, nannA rA:ji qA A:lar arA nannA KoEzhA qA A:lar huE ibzan iVjrar. xe:nA ahzan kuznA-mo:xnA ge siKAbaHur wim – kuzA-mo:xA akkan xane kuzxan, kuzA-mo:xA akkam xane kuzxam, kuzA-mo:xA akkaq xane kuzxaq, kuzA-mo:xA akkay xane kuzxay, kuzA-mo:xA akKar xane kuzxar bAqA:rar.
akkun qA bezA nu huE kuEzxar namhaEy purxA cA:lo arA ne:g-wasqur nano bA:ri ekLam A:lon Warme hi nA:me qi, kA warqi ayaX hi nA:me qi, kA Warmi savaX hi nA:me qi sirni ciHnar hole, awi gahi karjan cicc nu kuznar warA argAHnar, qabem A:r gahi pujA muVjurLi. cA:lA toXkA qA wAE:ze argAckan kukkoy xawwar arA mukkar ge mal ciHqArLi. daNdA kattnA nano bA:ri nirmuEhi wAE:ze cicckA bi:yan xe:qA nu uiyar cicc nu kuzLA nannar, qasle awi num kiccnar-argAHnar, qabem A ne:g muVjA mani. i kiccnA-argAHnA wA:zen kukoy xawwar arA xawmA:xo mukkar ge mal ciHqArLi. iwin kukko xawwar, me:qar arA paicckA ajji mukkar ge Bair ciHqArLi. innA guti namhaEy purxar A bezA qA aklak arA sasaiqan qeXgA-buJurLA ge qamhaEy ne:q-wasqur gane jo:zLar uikA raHnar. manA uXgi kA jokk A:lar ge enne ne:q-ne:g malkoze laggo haHn, paEhe ibzaw gA namhaEy purxar gahi i:rkA-naVjkA warA qiXkA qali.
baHnar – kuEzux purKar qamhay barLu xaww-xarrar ge ne:q-ne:g num jo:zLar ki uiyyar warA qamhaEy j:rkA-naVjkA xi:rin qeXgnA gahi urjis naVjkA raHnar.
tu:zus : 
dA. nArAyaN urAEv
saynwA, sisai, gumlA)

कुँड़ख़र ही कुड़ा-मोःख़ा सिखिरना अरा सिखाबअ़ना
बअ़नर - हुल्लो परिया नु कुँड़ुख़ पुरखर टोड़ंग-परता अरा नाल-झरिया अबड़ा गने रअ़नुम नमन बछाबाःचर। आ बेड़ा नु कन्दा-ख़ंजपा गुट्ठिन बेगर बीःतकम मोःख़ा लगियर। अहड़न हूँ ख़ेःनम मोःख़ा लगियर। कूल गे कीःड़ा लग्गो दिम अरा जिया गे अम्म ओनका लग्गो दिम। अवंगे कूल-कीःड़ा अरा अम्म ओनकन मेटाबआ गे टोड़ंग परता ता ख़ंजपन मोःख़र दरा झरिया ता अम्मन ओनर बेड़न खेपचर।
बअ़नर - आ बेड़ा नुम कुँड़ुख़ पुरखर टोड़ंग-परता ता ख़ईका बाँस गही घसड़ारना ती - चीं .... चीं ..., चीं .... चीं .... बेसे ख़रख़नन मेना लगियर। अन्ने गा काःना-बरना डहरे-बाट नु आ लेखे ख़रख़ना गा हुल्लो तिम मेंदेरआ लगिया। पँहे उन्दुल जेट्ठे चन्ददो ता भरखर बिड़ना बेड़ा नु आ बांस झुण्डू लहकारआ दरा बिलचा हेल्लरा अरा बछरका हरियर बांस झुण्डु हूँ आ हन्दकारना नु मुरझारअर खतरआ हेल्लरा। आःलर एलचा-एलचा तरकूटी बोंग्गा हेल्लरर। आ बेड़ा गूटी आर अन्ने आःलोन, का अन्ने अलहन जिनिसन मल ईःरका रहचर। आ अलहन हुरमी उज्जना लव-लड़ंग अरा मन्न-माःसन खत्तआ लगिया दरा ओःलनुम उरमी खेआ लगिया।
बअ़नर - नमहँय पुरखर आ पुना अकलक अरा अलहनन ईरयर दरा ईलचियर केरर। आ बाःरी हया-दन्दा मन्नुम आ आलोन - चीं ... चीं ..., चीं ... चीं .... मेंदेरना अड्डा ती उरूख़का ही नाःमे ती ‘चिच्च‘ पिंज्जयर अरा अदी गने उल्लका ती बछरकन ‘चिन्द‘ बाःचर। आ टोड़ंग ता लघरका चिच्च ती उरमी उल्लिया केरा। ओना-मोःख़ा गे ख़ंजपा गुट्ठी नट्ठरा केरा। आःलर कूल-कीःड़ा तुरू ईलहो-बिलहो मना हेल्लरर। टोड़ंग किंको गुट्ठी हूँ मल ख़खरआ हेल्लरा। अन्ने नु दरबड़या उल्लका टोड़ंग किंको गही अहड़़न मोःख़र तमहँय जिया-कयन बछाबाःचर। मुन्दा आ उल्लका अहड़ा, आर गे अकय सोन्दहा अरा कोड़े लग्गिया। उल्लका अहड़ा, ख़ेःना अहड़ा ती मोःख़ा गे अरा कूल गे पचाबअ़ना नु हूँ सेब्बा लग्गा हेल्लरा। अन्ने नु आ चिच्चन पसङी नना-नना बछाबाःचर अरा अजगो-इजगो ती अहड़ा बेद्दा-ओन्दोरआ की अदिन चिच्च नु कुड़ा हेल्लरर। ई लेखे आर तमहय मझी, ख़ेःना अहड़ा मोःख़नन कले-कले अम्मबा हेल्लरर। आर गे आ चिच्च नु अहड़न कुड़ना-मोःख़ना दव लग्गा हेल्लरा। मुन्ध नु आर तमहँय खोंड़हा ता आःलारिन अहड़न कुडा-मोःख़ा गे सिख़ाबार:चर। अबड़ा ओनना मो:ख़ना ही पुना ढचर अरा चाःलो टोड़ंग ता ख़ईका अतख़ा बेसे ख़रख़रनुम गेच्छा राःजी गूटी काःला हेल्लरा। नमहँय पुरखर ही ईरका-नंज्जका धतमन, नन्ना राःजी ता आःलर अरा नन्ना खोंड़हा ता आःलर हूं इबड़न इंज्जरर। ख़ेःना अहड़न कुड़ना-मोःख़ना गे सिखाब’उर दिम - कुड़ा-मोःख़ा अक्कन ख़ने कुड़ख़न, कुड़ा-मोःख़ा अक्कम ख़ने कुड़ख़म, कुड़ा-मोःख़ा अक्कत ख़ने कुड़ख़त, कुड़ा-मोःख़ा अक्कय ख़ने कुड़ख़य, कुड़ा-मोःख़ा अक्खर ख़ने कुड़ख़र बाताःरनुम आर गही कत्थात कुंड़ख़ कत्थान बाता:रा। 
अक्कुन ता बेड़ा नु हूँ कुड़ख़र तमहँय पुरखा चाःलो अरा नेःग-दस्तुर ननो बाःरी एकअम आःलोन धरमे ही नाःमे ती, का धरती अयंग ही नाःमे ती, का धरमी सवंग ही नाःमे ती सिरनी चिअ़नर होले, अदी गही करजन चिच्च नु कुड़नर दरा अरगाअ़नर, तबेम आर गही पुजा मुंजुर’ई। चाःला टोंका ता दां:ड़े अरगाचकन कुकोय ख़द्दर अरा मुक्कर गे मल चिअ़तार’ई। डण्डा कट्टना ननो बाःरी निरमूँही दां:ड़े चिच्चका बीःयन ख़ेःता नु उईयर चिच्च नु कुड़आ नननर, तसले अदी नुम किच्चनर-अरगाअ़नर, तबेम आ नेःग मुंज्जा मनी। ई किच्चना-अरगाअ़ना दां:ड़ेन कुकोय ख़द्दर अरा ख़दमाःख़ो मुक्कर गे मल चिअ़तार’ई। इदिन कुक्को ख़द्दर, मेःतर अरा पईच्चका अज्जी मुक्कर गे भईर चिअ़तार’ई। ईन्ना गूटी नमहँय पुरखर आ बेड़ा ता अकलक अरा ससईतन तेंग्गा-बुझुरआ गे तमहँय नेःत-दस्तुर गने जोःड़अर उईका रअ़नर।
बअ़नर - कुँड़ुख़ पुरखर तमहँय बर’उ ख़द्द-ख़र्रर गे नेःत-नेःग नुम जोड़अर की उईयर दरा तमहँय ईरका-नंज्जका ख़ीःरिन तेंग्गना गही उरजिस नंज्जका रअ़नर।    
टूःड़ूस : 
डॉ. नारायण उराँव
सैन्दा, सिसई, गुमला।