सिरजन-बिरजन गही ख़ीरी (सृष्टि कथा)

बअ़नर - एका बारी धरमेस मेरख़ा अरा ख़े़ख़लन कमचस आ बारी सँवसे ख़ेख़ेल अम्म ती निन्दका रहचा अरा गोट्टे नु उ:ख़ा दिम उ:ख़ा रहचा। इबड़न ए:रर धरमेस गे दव मल लग्गिया केंधेल, ख़ने आस बी:ड़ी कमचस। बी:ड़ी कमचका ख़ो:ख़ा उरमी बेड़ा बिल्ली रआ हेल्लरा। आद हुँ धरमेस गे द:व मल लग्गिया केंधेल, ख़ने आस उ:ख़ा कमचस अरा उ:ख़ा नु बिलचा गे चन्नदो अरा बी:नको कमचस। इदी ख़ो:ख़ा धरमेस उरमी ती मुन्ध अम्म नु रअ्उ जिया-जँउतन कमचस। इदी ख़ो:ख़ा     ख़र्इका     ख़ज्ज नु रअ्उ जिया-जँउत कमआ बिद्दयस, पँहेस ख़ज्ज मलका ती ख़र्इका ख़े:ख़ेल कमआ खतरी अम्म किय्या ता ख़ज्जन ओन्दोरआ गे अम्म ता आ:लोन मी:ख़यस दरा आ:नियस।                                             
धरमेस ही आइनकन मेनर उरमी ती मुन्ध ककड़ो बरचा अरा धरमेस ही आइनकन नना गे अम्म उला कोरचा। अम्म उला ख़ज्जन तंगहय बक्का नु धरचा दरा अम्म ती बहरी उरखा हेल्लरा। अम्म ती बहरी उरखो बा:री बक्का ता उरमी     ख़ज्ज नो:ढ़रा केरा, अन्तिले नी:दिम धरमेस गुसन केरा। धरमेस ककड़ोन मेंज्जस - एखो ख़ज्ज ? ककड़ो बा:चा - एन्देर ननोन धरमे, एंगहय बक्का ता उरमी ख़ज्ज, अम्म नु नो:ढ़रा केरा। ककड़ो गही कत्थन मेनर धरमेस बा:चस - ए:रा गे गा नी:न सोझ इथिरदी, पँहेस नी:न टेंक्कोम रअ्दी। कलय, अक्कु नीन निंगहय नंज्जका बेसेम रओय। अउला तिम ककड़ो टेंक्को र्इ:की अरा अड्उे र्इ:री। 
    इदी ख़ो:ख़ा धरमेस ही आनका नलखन नना गे ओन्टा एक्का (कछुआ) तंगहय एँवख़न (छतीन) डिप्पा नननुम बरचा दरा बा:चा - धरमे, निंगहय नलखन ए:न ननोन चिओन! धरमेस बा:चस - कलय जुनु अन्ति, नना उंग्गदी होले। एक्का अम्म उला कोरअर ख़ज्जन अरख़ा-अरख़ा तंगहय मे:द नु लदचा दरा घोखचा का आद गोट्टे ख़ेख़ेल ही ख़ज्जन चिड्डकी रर्अ्इ। अन्ने घोखनुम आद अम्म मर्इयाँ बरआ हेल्लरा। अम्म मर्इयाँ बरनुम-बरनुम उरमी ख़ज्ज नो:ढ़रा केरा। अन्तिले आद नी:दी ख़ेक्खा धरमेस गुसन केरा। ख़ने धरमेस मेंज्जस - एखो ख़ज्ज ? धरमेस ही कत्थन मेनर एक्का बा:चा - एन्देर ननोन धरमे, ख़ज्जन गा मे:द नु लदचकी रहचअन, मुन्दा अम्म ती बहरी उरखो बा:री उरमी ख़ज्ज नो:ढ़रा केरा। अन्ने बअ़नुम-बअ़नुम आद लज्जरा दरा ख़न्न-कुक्कन मे:द किय्या नुड्डा चिच्चा। एक्कन ए:रर धरमेस बा:चस - कलय, इन्ना ती  नीन एन्नेम मनके। अउला तिम एक्का एन्देरआ निम र्इ:री तसले ख़न्न-कुक्कन तंगहय मे:द किय्या नुड़’र्इ।
    इजगो धरमेस हया-दंदा मना हेल्लरस का ख़ज्ज ओन्दोरआ गे ने:कन तर्इयोस, आ बारीम ओन्टे लेण्डा मुंदहारे बरचा दरा बा:चा - धरमे, अक्कु निंगहय नलखन नना गे ए:न का:लोन, मुंदा पोल्लोन होले अमके पड़गा। ख़ने धरमेस बा:चस - नीन एका बेसे ओन्दोरओय ! निंगहय गुसन गा बउगी ना कोंच्चो, एन्दरा हुँ मल्ला, एन्देर तुरू ओन्दोरओय ! धरमेस गही कत्थन मेनर लेन्डा मुसमुस्सरा दरा अम्म उला कोरचा। अम्म किय्या का:लर, भर्इर कूल ख़ज्जन मोक्खा अरा अम्म ती बहरी उरखर धरमेस हेद्दे केरा। लेण्डन ए:रर धरमेस बाचस - एखो ख़ज्ज ! कत्थन मेनर लेण्डा धरमेस ही ख़ेक्खा नु तंगहय कूल ता ख़ज्जन ओत्थरा चिच्चा। धरमेस ही खेक्खा नु आ ख़ज्ज दिम बड्ढरा दरा ख़र्इका ख़े:ख़ेल मंज्जा। अन्तिले, धरमेस ख़र्इका ख़ज्ज नु रअ्उ जिया-जँउतन कमचस।
    बअ़नर - अम्म नु रअ़उ अरा ख़र्इका ख़ज्ज नु रअ़उ आ:लोन कमअर की हुँ           धरमेस मल उच्छियस केंधेल, ख़ने आस तंगहय मने लेखा उरमिन ए:रा-ख़ो:जा ओंग्गना बेसे आ:लो कमआ गे ख़ज्ज गही ओन्द जोड़ा सँचा कमचस दरा ख़ा:या गे बिड़ना नु उर्इयस। बिड़ना नु ख़र्इका ख़ो:ख़ा अर्इया जिया सजअर आल कमना रहचा। धरमेस ही इबड़ा नलखन आस ही हंखराज-पंखराज घोड़ो ए:रा लगिया। आद घोखचा - र्इ सँचा ता आ:लो, एंगहय ती बग्गे लूरगर अरा बड़ियर मंज्जा होले धरमेस अदी तिम उरमी नलखन नन्तओस। अन्ने घोखअर घोड़ो केरा दरा आ सँचन तिरिख़या चिच्चा। ख़ज्ज ही सँचा बिगड़ारकन ए:रर घोड़ो गही जहड़ी जियन धरमेस अक्खस केरस। अन्नु हुँ अदिन बेगर बरजाचकम फीन ओन्द जोड़ा ख़ज्ज गही सँचा कमचस दरा ख़ा:या गे उर्इयस। धरमेस गही नलखन ए:रर घोड़ो फीन अदिन लथआ गे का:ला लगिया, पँहेस धरमेस ही लिली-भ्ाुली अल्ला बोंगते केरा दरा घोड़ोन कुदाबा:चा चिच्चा। धरमेस तंगहय घोड़ो ही जहड़ी दलख ती बछाबआ गे बेगर ख़र्इका सँचा नुम जिया सज्जस चिच्चस। आ बेड़ा नु गा पँड़की बी बेसे ओन्द जोड़ा सँचा तिम मे:त अरा मुक्का आल सवंग मंज्जा अरा आ मे:त-मुक्का तिम बेड़ा कट्ना ती गोट्टे रा:जी नु आ:लर निंदयर केरर।                     
बअ़नर - बेगर ख़र्इका सँचा नु जिया सजतारका चड्डे र्इ चोला (कया) गे खेअ़ना मनी अरा ख़े:ना सँचा बेसे ख़े:ख़ेल नु ख़ज्ज गने मेसेरना मनी। 
(संकलन : डॉ नारायण उराँव, सैन्दा, सिसई, गुमला)

sirjan-birjan gahi kuEzux xi:ri
baHnar - ekA bA:ri Warmes merxA arA xe:xlan kamcas A bA:ri saEvse xe:xel amm qi ninwkA rahcA arA got|e nu u:xA wim u:xA rahcA. ibzan e:rar Warmes ge wa:v mal lag|iyA kenWel, xane As bi:zin kamcas. bi:zi kamarkA xo:xA urmi bezA ul|am raHA hel|rA. Aw huE Warmes ge wa:v mal lag|iyA kenWel, xane mA:xA nanA ge canwwo arA bi:nko kamcas. awi xo:xA Warmes, urmi qi munW amm nu raHu jiyA-jaEqan kamcas. awi xo:xA xaikA xajj nu raHu jiyA-jaEuqan kamLA biwwyas, paEhe xajj malkA qi xaikA xe:xel kamLA ge amm qA A:lon mi:xyas warA amm kiyyA qA xaj|an onworLA ge A:niyas. 
Warmes hi Ainkan menar urmi qi munW kakzo barcA warA Warmes hi Ainkan nanA ge amm ulA korcA. amm ulA xaj|an qaXhay bak|A nu WarcA warA amm qi bahri urKA hel|rA. bahri urKo bA:ri bak|A qA urmi xajj no:ZrA kerA, anqile ni:wi xekKA Warmes gusan kerA. Warmes kakzon meVjas - oKo xajj ? kakzo bA:cA enwer nanon Warme, amm nu barnum-barnum urmi xajj no:ZrA kerA. kakzo gahi kaqQan menar Warmes kakzon sarpA:cas - e:rA ge gA ni:n so:J iQirwi paEhes ni:n teXko raHwi. niXhay cAil-cakar ekA bese raHi, an|em in|A qi e:koy. aulA qim kakzo teXko i:ki arA ad|e i:ri.
iwi xo:xA Warmes hi AinkA nalKan nanA ge oN|tA ek|A qaXhay CAqin Tuknum barcA warA bA:cA - Warme, niXhay nalKan e:n nanon.  Warmes bA:cas - kalay junu nanA uXgwi hole. qasle ek|A amm ulA korLar xaj|an arxA-arxA qaXhay me:w nu lavcA warA GoKcA kA - A:v got|e xe:xel hi xaj|an cid|ki raHi. an|e GoKnum A:w amm mayyAE barLA hellrA. amm mayyAE barnum-barnum urmi xajj no:ZrA kerA arA ni:wi xekKA Warmes gusan kerA. Warmes meVjas - oKo xajj. xane ekkA bA:cA - enwer nanon Warme, xaj|an gA me:w nu lawacki rahcLan munwA amm qi bahri urKo bA:ri urmi xajj no:ZrA kerA, baHnu-baHnum laj|rA warA xann-kuk|an me:w kiyyA nud|A cic|A. ek|an e:rar Warmes bA:cas - kalay in|A qi en|em manke. aulA qim ekkA enWerLA num i:ri ki xann-kuk|an qaXhay me:w kiyyA nuzLi ciHi.
ijgo Warmes hayA-wanwA manA hellras kA xajj onworLA ge ne:kan qaiyos, A bA:rim oN|tA leN|dA munwBAre barcA warA bA:cA - Warme, akku niXhay nalKan nanA ge e:n kA:lon, munwA pol|on hole eXgan amke sarapLA. Warmes bA:cas - ni:n ekA bese onworLoy, niXhay gusan gA baugi nA keE:qer enwrA huE gA mallA enwer quru onworLoy. Warmes gahi kaqQan menar leN|dA musmus|rA warA amm ulA korcA. amm kiyyA kA:lar xajjan Bair ku:l mokKA warA amm qi bahri urKar Warmes gusan kerA. leN|dan e:rar Warmes bA:cas - oKo xajj. kaqQan menar leN|dA Warmes hi xekKA nu xaj|an bai qarqi oQorLA hel|rA. Warmes hi xekKA nu A xajj wim badDrA warA xaikA xe:xel maVjA kerA. anqile Warmes xaikA xajj nu raHu urmi jiyA-jaEuqan kamcas.
baHnar - Warmes urmi qi wa:v qaXhay mane leKLA xajj hi onw jozA saEcA  kamcas arA xA:yA ge ui:yas. xaikA xo:xA awin cicc nu pAnqAHnA rahcA arA ai:yA jiyA sajnA warA Al kamnA rahcA munwA Warmes hi haMKKrAj-paMKrAj Gozo i:ryA warA qirixyA cic|A. Gozo ge laggiyA kA A saEcan awi qi suGaz kamLA lagwas arA A:w baZarLo holo Warmes abrA qim qaXhay nalKan nanqLos. Warmes Gozon begar barajLam aur oWLol onw jozA xajj gahi saEcA kamcas warA xA:yA ge ui:yas. Gozo Pi:n oXLol qirxA ge buXgnum kA:lA lagiyA, A bA:rim Warmes hi allA asan barcA warA Gozon kuwAbA:cA cic|A. ijgo Warmes i:ryas kA Gozo A saEcan aur amban qirxan, avXe begar xA:yam saEcA nu jiyA sajjas ciccas. A bezA nu gA A:lar paEzki bi leKLA onw jozA ekA rahcar munwA bezA sire A:rim badDrar arA xe:xel rA:ji nu ninwyar kerar. avXem i colA ge xe:nA saEcA bese xe:xel nu xajj gane mesernA mani. 
   (dAf nArAyaN urAEv, sAynwA, sisai, gumlA)