कुंडुख़ भाषा स्‍कूल, मंगलो, सिसई, गुमला नू  विश्‍व आदिवासी दिवस रिझिरनुम मंज्‍जा  

नेड्डा - 09.08.2023 उल्‍ला  बुध गे  को रोपा डण्डी घी सा-हे तली  कार्तिक उरांव आदिवासी कुंडुख़ लूरकुड़िया  मंगलो,थाना सिसई, जिला गुमला, झारखण्ड नू विश्व आदिवासी दिवस मनाबातारा।  सिसई पहटा ता कुंडुख़ पचगी नैगर अरा माहतोर तेंगनर का कुंडुखर पुरखर घी तिंग्का बेसे  बेड़ा सिरे पाड़ना- बें:नचा नना लगियर। धुमकुड़िया नू पचगी लूरगरियर बारजाचका रहचर का - राजी बहूरा:रना गूटी करम डण्डी बचउ ख़द्दारिन मल्ला पाड़ताअना।  एन्ने नमन पुरखर हूं बरजाचका रहचर। ईर घी पईत्‍तारना रअ्ई का कुंड़खर तंगआ संस्कृतिन बेंड़ाबआ लगनर,अवगें सिरजरनी हूं बेंड़ारआ लगी,बअ़नर  की आननर का कुंड़ख़र बेंड़ारआ लगनर।  अंवगे चें-प हूं बेड़ारआ लगी अरा बेड़ा सिरे मल्ल पुंय्या लगी,अंवगे बरजाचका कत्थन उईना चाड़ मनी काली। विश्व आदिवासी दिवस उल्ला अबड़ा गे रोवा सा:हे डण्डी ही बेड़ा  तली अवंगे मंगलो लूरकुड़िया ता ख़द्दर रोपा (रोवा) डण्डी पाड़ा बे:चा गे पे:सतारा। 
सय महादेव टोप्पो,साहेबस कुंडुख़ भाख़ा अरा तोलोड• सिकिन परद्अना खतरी अरा भाखा साहित्य घी महबा  अरा नाम कुंड़ख़त एकान्ने बच्छारओत  ई पइत्त नू तेंग्गा गे सिसई पहटा ता कुंडुख़ खोड़हा  जतरा सेंदरा  अरा बैसकी  नू  बरते रअदस। अन्ने गा भारत राजी घी भाखा साहित्य ओहदा मंची ती  एम्बा सड़ा मिन्दिरई दिम अरा एरा गे हूं ख़खरई , इतगंली मुनई बच्छर कुंडुख़ लूरकुड़ियन परदअ्ना घोख ती  कुंडुख़ लूरगरियर घी, बुधुबीर लूरकुड़िया मेरले नू बाईसकी मंजकी रहचा ई बाईसकी नू सय महादेव टोप्पो साहेबस पुना कत्था तिंगका रहचस का नम्हय कुंडुख़र खिती पती ती जुड़ुरका रअ़नर,अंवगे नम्हय कुंडुख़ लूरकुड़िया ता ख़द्दर गे बरखा छुट्टी चिअ़ना चाड़ रअ़ई। आ बच्छर तिम कार्तिक उरांव आदिवासी कुड़ुख़ लूर कुड़िया मंगलो सिसई गुमला ता ख़द्दर गे बरखा छुट्टी ची-तारई। ईदना हुं छुटी ख़खरआ ओन्गा लगी।

रिपोर्टर 
अरविन्द उरांव 
कुंडुख़ विद्यालय मंगलो ,सिसई गुमला,झारखण्ड