KurukhTimes.com

सिरजन-बिरजन गही ख़ीरी (कुँड़ुख़) : उत्पत्ति का इतिहास

बअ़नर - एका बारी धरमेस मेरख़ा अरा ख़े़ख़लन कमचस आ बारी सँवसे ख़ेख़ेल अम्म ती निन्दका रहचा अरा गोट्टे नु उ:ख़ा दिम उ:ख़ा रहचा। इबड़न ए:रर धरमेस गे दव मल लग्गिया केंधेल, ख़ने आस बी:ड़ी कमचस। बी:ड़ी कमचका    ख़ो:ख़ा उरमी बेड़ा बिल्ली रआ हेल्लरा। आद हुँ धरमेस गे द:व मल लग्गिया केंधेल, ख़ने आस उ:ख़ा कमचस अरा उ:ख़ा नु बिलचा गे चन्नदो अरा बी:नको कमचस। इदी ख़ो:ख़ा धरमेस उरमी ती मुन्ध अम्म नु रअ्उ जिया-जँउतन कमचस। इदी ख़ो:ख़ा ख़र्इका ख़ज्ज नु रअ्उ जिया-जँउत कमआ बिद्दयस, पँहेस ख़ज्ज मलका ती ख़र्इका ख़े:ख़ेल कमआ खतरी अम्म किय्या ता ख़ज्जन ओन्दोरआ गे अम्म ता आ:लोन मी:ख़यस दरा आ:नियस।  धरमेस ही आइनकन मेनर उरमी ती मुन्ध ककड़ो बरचा अरा धरमेस ही आइनकन नना गे अम्म उला कोरचा। अम्म उला ख़ज्जन तंगहय बक्का नु धरचा दरा अम्म ती बहरी उरखा हेल्लरा। अम्म ती बहरी उरखो बा:री बक्का ता उरमी ख़ज्ज नो:ढ़रा केरा, अन्तिले नी:दिम धरमेस गुसन केरा। धरमेस ककड़ोन मेंज्जस - एखो ख़ज्ज ? ककड़ो बा:चा - एन्देर ननोन धरमे, एंगहय बक्का ता उरमी ख़ज्ज, अम्म नु नो:ढ़रा केरा। ककड़ो गही कत्थन मेनर धरमेस बा:चस - ए:रा गे गा नी:न     सोझ इथिरदी, पँहेस नी:न टेंक्कोम रअ़दी। कलय, अक्कु नीन निंगहय नंज्जका बेसेम रओय। अउला तिम ककड़ो टेंक्को र्इ:की अरा अड्डे र्इ:री। 
    इदी ख़ो:ख़ा धरमेस ही आनका नलखन नना गे ओन्टा एक्का (कछुआ) तंगहय एँवख़न (छतीन) डिप्पा नननुम बरचा दरा बा:चा - धरमे, निंगहय नलखन ए:न ननोन चिओन! धरमेस बा:चस - कलय जुनु अन्ति, नना उंग्गदी होले। एक्का अम्म उला कोरअर ख़ज्जन अरख़ा-अरख़ा तंगहय मे:द नु लदचा दरा घोखचा का आद गोट्टे ख़ेख़ेल ही ख़ज्जन चिड्डकी रर्अ्इ। अन्ने घोखनुम आद अम्म मर्इयाँ बरआ हेल्लरा। अम्म मर्इयाँ बरनुम-बरनुम उरमी ख़ज्ज नो:ढ़रा केरा। अन्तिले आद नी:दी ख़ेक्खा धरमेस गुसन केरा। ख़ने धरमेस मेंज्जस - एखो ख़ज्ज ? धरमेस ही कत्थन मेनर एक्का बा:चा - एन्देर ननोन धरमे, ख़ज्जन गा मे:द नु लदचकी रहचअन, मुन्दा अम्म ती बहरी उरखो बा:री उरमी ख़ज्ज नो:ढ़रा केरा। अन्ने बअ्नुम-बअ्नुम आद लज्जरा दरा ख़न्न-कुक्कन मे:द किय्या नुड्डा चिच्चा। एक्कन ए:रर धरमेस बा:चस - कलय, इन्ना ती  नीन एन्नेम मनके। अउला तिम एक्का एन्देरआ निम र्इ:री तसले ख़न्न-कुक्कन तंगहय मे:द किय्या नुड़’र्इ।
    इजगो धरमेस हया-दंदा मना हेल्लरस का ख़ज्ज ओन्दोरआ गे ने:कन तर्इयोस, आ बारीम ओन्टे लेण्डा मुंदहारे बरचा दरा बा:चा - धरमे, अक्कु निंगहय नलखन नना गे ए:न का:लोन, मुंदा पोल्लोन होले अमके पड़गा। ख़ने धरमेस बा:चस - नीन एका बेसे ओन्दोरओय ! निंगहय गुसन गा बउगी ना कोंच्चो, एन्दरा हुँ मल्ला, एन्देर तुरू ओन्दोरओय ! धरमेस गही कत्थन मेनर लेन्डा मुसमुस्सरा दरा अम्म उला कोरचा। अम्म किय्या का:लर, भर्इर कूल ख़ज्जन मोक्खा अरा अम्म ती बहरी उरखर धरमेस हेद्दे केरा। लेण्डन ए:रर धरमेस बाचस - एखो ख़ज्ज ! कत्थन मेनर लेण्डा धरमेस ही ख़ेक्खा नु तंगहय कूल ता ख़ज्जन ओत्थरा चिच्चा। धरमेस ही खेक्खा नु आ ख़ज्ज दिम बड्ढरा दरा ख़र्इका ख़े:ख़ेल मंज्जा। अन्तिले, धरमेस ख़र्इका ख़ज्ज नु रअ्उ जिया-जँउतन कमचस।
    बअ्नर - अम्म नु रअ्उ अरा ख़र्इका ख़ज्ज नु रअ्उ आ:लोन कमअर की हुँ धरमेस मल उच्छियस केंधेल, ख़ने आस तंगहय मने लेखा उरमिन ए:रा-ख़ो:जा ओंग्गना बेसे आ:लो कमआ गे ख़ज्ज गही ओन्द जोड़ा सँचा कमचस दरा ख़ा:या गे बिड़ना नु उर्इयस। बिड़ना नु ख़र्इका ख़ो:ख़ा अर्इया जिया सजअर आल कमना रहचा। धरमेस ही इबड़ा नलखन आस ही हंखराज-पंखराज घोड़ो ए:रा लगिया। आद घोखचा - र्इ सँचा ता आ:लो, एंगहय ती बग्गे लूरगर अरा बड़ियर मंज्जा होले धरमेस अदी तिम उरमी नलखन नन्तओस। अन्ने घोखअर घोड़ो केरा दरा आ सँचन तिरिख़या चिच्चा। ख़ज्ज ही सँचा बिगड़ारकन ए:रर घोड़ो गही जहड़ी जियन धरमेस अक्खस केरस। अन्नु हुँ अदिन बेगर बरजाचकम फीन ओन्द जोड़ा ख़ज्ज गही सँचा कमचस दरा ख़ा:या गे उर्इयस। धरमेस गही नलखन ए:रर घोड़ो फीन अदिन लथआ गे का:ला लगिया, पँहेस धरमेस ही लिली-भ्ाुली अल्ला बोंगते केरा दरा घोड़ोन कुदाबा:चा चिच्चा। धरमेस तंगहय घोड़ो ही जहड़ी दलख ती बछाबआ गे बेगर ख़र्इका सँचा नुम जिया सज्जस चिच्चस। आ बेड़ा नु गा पँड़की बी बेसे ओन्द जोड़ा सँचा तिम कुक्कोस अरा कुकोय आल सवंग मंज्जा अरा बेड़ा सिरे आरिम मे:त-मुक्का मंज्जर। बेड़ा कट्ना ती आर तिम गोट्टे रा:जी नु आ:लर निंदयर केरर। 
    बअ़नर - बेगर ख़र्इका सँचा नु जिया सजतारका चड्डे र्इ चोला (कया) गे खेअ्ना मनी अरा ख़े:ना सँचा बेसे ख़े:ख़ेल नु ख़ज्ज गने मेसेरना मनी।

sirjan-birjan gahi xi:ri
baHnar - ekA bA:ri Warmes merxA arA xe:xlan kam’A lagiyas, A bA:ri saEvse xe:xel amm qi ninwkA rahcA arA gotte nu u:xA wim u:xA rahcA. ibzan e:rar Warmes ge wa:v mal laggiyA kenWel, xane A:s bi:zin kamcas. bi:zi kamarkA xo:xA urmi bezA, ullA raHA hellrA. Aw huE Warmes ge wa:v mal laggiyA kenWel, xane A:s u:xA kamcas arA u:xA nu billi nanA ge canwwo arA bi:nko kamcas. abzA kamarkA qi u:xA arA mA:xA manA hellrA. awi xo:xA Warmes, urmi qi munW amm nu raHu A:lo kamcas. abzaw urmi bA:ri amm ulam raHA hellrA, xane Warmes ge laggiyA kA ibzA A:lo urmi bA:ri amm num raHo hole ekA bese abzan me:xon. avXe amm mai:YA uZiyAr’A oXgnA A:lo kam’A biwwyas, paheE A:s GoKcas kenWel kA uZiyAr’u A:lo ge amm mai:YA okkA ge addA raHnA cAEz mano avXe amm mai:YA xaikA xajj kamnA mano. enne GoK’ar Warmes amm qA A:lon mi:xyas warA amm kiyyA qA xajjan onworLA ge A:niyas.         
Warmes hi Ainkan menar urmi qi munW kakzo barcA warA Warmes hi Ainkan nanA ge amm ulA korcA. amm ulA Aw qaXhay bakkA qi xajjan WarcA warA amm qi bahri urKA hellrA. bahri urKo bA:ri kakzo hi bakkA qA urmi xajj no:ZrA kerA, xane Aw ni:wi xekKA Warmes gusan kerA. Warmes kakzon meVjas - eKo xajj ? kakzo bA:cA - enwer nanon Warme, amm qi bahri urKo bA:ri urmi xajj no:ZrA kerA. kakzo gahi kaqQan menar Warmes kakzon sarpA:cas - e:rA ge gA ni:n so:J iQirwi paEhes ni:n teXko raHwi. niXhay cail-cakar ekA bese raHi, annem innA qi e:koy. aulA qim kakzo teXko i:ki arA adde i:ri.        
iwi xo:xA Warmes hi AinkA nalKan nanA ge oNtA ekkA qaXhay CAqin dippA nannum barcA warA bA:cA - Warme, niXhay nalKan e:n nanon ciHon.  Warmes bA:cas - kalay junu nanay, uXgwi hole ! ekkA amm ulA korLar xajjan arxA-arxA qaXhay me:w nu lawcA warA GoKcA kA Aw gotte xe:xel hi xajjan ciddki raHi. anne GoKnum Aw amm mai:YA barLA hellrA. amm mai:YA barnum-barnum urmi xajj no:ZrA kerA arA Aw ni:wi xekKA Warmes gusan kerA. Warmes meVjas - eKo xajj ? xane ekkA bA:cA - enwer nanon Warme, xajjan gA me:w nu lawackLan munwA amm qi bahri urKo bA:ri urmi xajj no:ZrA kerA, baHnu-baHnum lajjrA warA xann-kukkan me:w kiyyA nuddA ciccA. ekkan e:rar Warmes bA:cas - kalay innA qi ennem manke. aulA qim ekkA enWerLA num i:ri warA xann-kukkan qaXhay me:w kiyyA nuzLi ciHi.         ijgo Warmes hayA-wanvA manA hellras kA xajj onworLA ge ne:kan qaiyos, A bA:rim ontA leNNdA munwhA:re barcA warA bA:cA - Warme, akku niXhay nalKan nanA ge e:n kA:lon, munwA pollon hole eXgan amke sarpLA. Warmes bA:cas - ni:n ekA bese onworLoy, niXhay gusan gA baugi nA koMcco enwrA huE mallA, enwer quru onworLoy. Warmes gahi kaqQan menar leNNdA musmussrA arA amm ulA korcA. amm kiyyA kA:lar xajjan Bair ku:l mokKA warA amm qi bahri urKar Warmes gusan kerA. leNdan e:rar Warmes bA:cas - eKo xajj ? kaqQan menar leNNdA Warmes hi xekKA nu xajjan bai qarqi oQorLA ciccA. A xajj Warmes hi xekKA nu qAn-qA:nim badDrA ki xaikA xe:xel maVjA. anqile, Warmes xaikA xajj nu raHu jiyA-jaEuqan kamcas.         
baHnar - xaikA xajj nu raHu arA amm nu raHu urmi mawhe A:lon kamLar ki huE Warmes mal ucCiyas kenWel, xane qaXhay mane leKLA urmin e:rA-xo:jA oXgnA bese A:lo kamLA ge onw jozA xajj gahi saEcA makcas warA xA:yA ge biznA nu ui:yas. biznA nu xaikA xo:xA, ai:yA jiyA sajnA rahcA. ibzA nalKan Warmes hi haMKrAj-paMKrAj Gozo i:ryA warA eE:zo saEcan qirixyA ciccA. Gozo ge laggiyA kA - Warmes A saEcan urmi qi suGaz kamLA lagwas. abzaw bagge mano hole, Warmes qaXhay urmi nalKan awi qim nanqLos. Warmes, Gozo gahi jahzi jiyan akKas, annu huE awin enwer huE mal bA:cas. anqile Pi:n onw jozA xajj gahi saEcA kamLar xA:yA ge ui:yas. Gozo, Warmes gahi nalKan e:rA lagiyA warA A saEcan huE qirxA ge buXgnum kA:lA hellrA. A bA:rim Warmes hi lili-Buli allA asan barcA warA Gozon kuwAbA:cA ciccA. Warmes, Gozo gahi jahzi nalaK qi baCAcaHA ge begar xaikA saEcA num jiyA sajLar Al kamcas. A bA:ri gA Al jiyA paEzki bi leKLA onw jozA kukko-kukoy ekA rahcar arA bezA sire meq-mukkA maVjar. bezA kattikA qi A:rim badDrar ki xe:xel rA:ji nu ninwyar kerar.     
baHnar - begar xaikA saEcA nu jiyA sajqArkA cadde i colA (kayA) ge KeHnA mani arA xe:nA xajj bese xe:xel nu xajj gane samArnA mani.

Sections